నానో కవిత్వం - పరిచయం

నానో కవిత్వం - పరిచయం

సూక్ష్మత, ఆర్ద్రత, గుప్తత కల్గిన కవిత్వం సరాసరి గుండెను తాకుతుంది. సూదిలా గుచ్చుకుని, ఉటంకించడానికి వీలుగానూ ఉంటుంది. నాలుగే నాలుగు పదాలు పాఠకుల్ని కదిలించి, జ్ఞాపకమై నిలిచిపోతే? సరిగ్గా ఈ ఆలోచనలోంచే రూపుదిద్దుకున్నై "నానోలు, కవిత్వం X 10-9"

వచన కవిత్వం నిడివి తగ్గినప్పుడు కవిత్వాన్ని 'మినీ కవిత్వం' అన్నారు. తర్వాత వచ్చిన రూప ప్రక్రియల్ని (నానీలు, హైకూలు) 'మైక్రో కవిత్వమన్నారు. నానో టెక్నాలజి రాజ్యమేలుతున్న నేటి రోజున కవిత్వాన్నీ సూక్ష్మాతి సూక్ష్మ స్థాయిలో చెప్పడానికే "నానోలు". నానో అంటే సూక్ష్మాతి సూక్ష్మం (10-9) అని అర్ధం. ఈ పేరు భౌతిక శాస్త్ర పారిభాశిక పదం. నానోల పుట్టిన కాలం మే'2005. సృష్టికర్త - ఈగ హనుమాన్. నానోలు విరివిగా రాసిన వారిలో ప్రముఖంగా చెప్పుకోవల్సంది: పోతగాని సత్యనారాయణ, బొమ్మరాత యెల్లయ్య, మాల్యశ్రీ, కాసర్ల రంగారావు, శిరంశెట్టి కాంతారావు..మరియు ఇంకొందరు..

ఇక, నానో రూప కవిత్వ లక్షణాలు చూద్దాం.
--> నాలుగు పాదాలు.
--> పాదానికి ఒకే ఒక్క పదం. సమాసం, సంధి ఐనా సరే.
--> యెంత సూక్ష్మత పాటిస్తే అంత చిక్కగా, పదునుగ, ప్రభావవంతంగా ఉంటాయి.

ఐతే సుమా! ఇది కవిత్వం, పదం మీద పదం-నాలుగు పదాలు కూర్చితే వచ్చేవి నానోలు కావు. ఈ జాగ్రత్త అత్యవసరం. కొన్ని నానోలు నా బ్లాగులో ఉన్నై రుచి చూడండి.

దాదాపు అన్ని ముఖ్యమైన పత్రికలు నానోలని ప్రచురించాయి.